Փիղը
Ուշադիր կարդա՛ և կատարի՛ր առաջադրանքները։
Փղերն աշխարհի ամենախոշոր ցամաքային կենդանիներն են: Նրանք կարող են կշռել մինչև 12 տոննա: Եվ իրենց չափերին համապատասխան նրանք նաև մեծ ու բարի սիրտ ունեն։
Գոյություն ունեն 2 տեսակի փղեր՝ աֆրիկական և հնդկական: Նրանք շատ նման են իրար, միայն թե աֆրիկական փղերի ականջները, որ կարծես կաշվե հովհարներ լինեն, ավելի մեծ են, քան հնդկական փղերինը: Փղերի ականջների լայնությունը կարող է հասնել 4 մետրի: Ականջներով փղերը հով են անում իրենց և պաշտպանվում միջատներից:
Սակայն ամենահետաքրքիրը փղի կնճիթն է: Կնճիթը շատ զգայուն է. փիղը կնճիթով կարող է կատարել ինչպես նուրբ աշխատանք (օրինակ՝ գետնից բարձրացնել մորու մեծության պտուղը, մի փունջ խոտ պոկել), այնպես էլ դժվար ու ծանր (մի հաստ ճյուղ պոկել բարձր ծառից):
Այս հսկա կենդանին սնվում է խոտով ու տերևներով: Իր քաշին համապատասխան՝ նա ամեն օր ուտում է մեծ քանակությամբ կեր՝ 45–450 կգ կեր: Իսկ դրա համար նա կեր է փնտրում օրվա 16 ժամը: Կախված ջերմաստիճանից՝ նա խմում է 100 – 300լիտր ջուր: Խմելու ջուրը նա նույնպես վերցնում է կնճիթով: Կնճիթն իր մեջ կարող է պահել 7,5 լիտր ջուր: Կնճիթը ջրով լցնելով՝ փիղն այն մոտեցնում է բերանին և ներս քաշում ջուրը: Իսկ շոգ ժամանակ կնճիթով վերից վար նաև ջրում է իրեն, ապա ավազ է ցանում վրան, որպեսզի տզերը չխրվեն մաշկի մեջ: Փղերը նաև հրաշալի լողալ են կարողանում: Նրանք քնում են կանգնած՝ իրար հենվելով: Միայ փոքրիկ փղերն են քնելիս պառկում գետնին:
Հանդիպելիս փղերը ուրախ ողջունում են միմյանց՝ կնճիթերն իրար փաթաթելով: Նրանք չափազանց հոգատար են միմյանց հանդեպ: Երբ փիղը խճճվում է թակարդում կամ ընկնում փոսի մեջ, մյուս փղերը, մեկնելով իրենց կնճիթները, օգնում են նրան դուրս գալ: Փղերն իրենց վիրավոր կամ հիվանդ ընկերոջը չեն լքում, կողքերից զգուշորեն պահելով, նրան տանում են իրենց հետ: Նրանք երբեք չեն լքում մորը կորցրած ձագին: Փղերն ուրախանում և տխրում են միասին, ամբողջ խմբով: Փղերը նաև կարողանում են ծիծաղել:
Տեքստային առաջադրանքներ
- Ինչպիսի՞ն են փղի չափերը։
Նրանք աշխարհի ամենախոշոր ցամաքային կենդանիներն են։ - Քանի՞ տեսակի փղեր գոյություն ունեն։ Գրի՛ր տեսակները։
Գոյություն ունի 2 տեսակ՝ Աֆրիկական և Հնդկական։ - Ինչո՞վ է սնվում փիղը և որքա՞ն է ուտում։
Սնվում է խոտով և տերևներով։ Մի օրում փղերը ուտում են 45–450 կգ կեր։ - Տեքստից դուրս գրի՛ր փղերի մասին պատմող ամենազարմանալի տեղեկությունը։
Փղերը քնում են կանգնած՝ իրար հենվելով: Միայ փոքրիկ փղերն են քնելիս պառկում գետնին:
5․ Փղերն ինչպե՞ս են ողջունում իրար։
Փղեր վողջույնում են կնճիթերն իրար փաթաթելով:
Բառային առաջադրանքներ
- Գրի՛ր կանաչ գույնով նշված բառերի հոմանիշները։
բարի – բարեհոգի
մեծ – հսկա
նուրբ – բարակ - Գրի՛ր կապույտ գույնով նշված բառերի հականիշները:
մեծ – փոքր
դժվար – հեշտ
ծանր – թեթև
շոգ – ցուրտ - Նշված բառերից առաջ գրի՛ր ինչպիսի հարցին պատասխանող բառեր:
Ծանր —փիղ
Բարի — ընկեր
Սիրուն — ձագ
Երկար —կնճիթ
- Շարունակի՛ր ըստ օրինակի՝ օգնել․․․․ — օգնել ընկերոջը։
Դուրս գալ— դորս գալ շան հետ բակ
Ողջունել— ողջունել ընկերոջը
Վերցնել— վերցնել նվերը
Ներս քաշել— ներս քաշել պահարանը
- Բառեր ավելացրո՛ւ տրված նախադասությանը։
Փիղ կենդանին սնվում է շատ տերևներով և խոտով։